Lárperusalat með rækjum
Fyrir 4

1/4 bolli af hvítvínsediki
1/4 bolli af ítalíu ólífuolíu
3 hvítlauksgeirar maukaðir
200 g rækjur
2 þroskaðar lárperur
1 búnt Lambhaga eða grandsalat
1 matskeið ferskt kóríander saxað
1 tsk limesafi
dass af muldum róspipar

Setjið hvítvínsedik, ólífuolíuna, maukaða hvítlaukinn, limesafann og kóríander í skál og hrærið. Skerið rækjur til helminga og setjið í skálina. Raðið salati á 4 diska. Skerið lárperurnar til helminga, steinhreinsið og afhýðið. Skerið örlítið innan úr lárperunni í litla bita (til að stækka holuna) og bætið í skálina með rækjunum.
Nú eru lárperurnar lagðar á diskana ofan á salatið (1 helmingur á hvern disk)
Innihaldið í skálinni er sett ofan í lárperurnar. Mjög got er að toppa salatið með valhnetukjörnum, lime sneið og örlitlu af ferskum kóríander.

Fróðleikur
Lárpera (avacado)
Inniheldur amínósýruna glutathione sem hjálpar okkur í baráttunni við liðagigt (RA) og við parkisonsjúkdóminn. Ver okkur einnig gegn hjartasjúkdómum og krabbameinum. Lárperan er einnig rík af E, K og B vítamínum. Hún inniheldur mikið magn af einómettuðum fitusýrum (hollri fitu.) Ein lárpera inniheldur um 25% af ráðlögðum dagskammti af mettuðum fitusýrum. Þrátt fyrir að bananinn sé þekktur fyrir að innihalda mikið magn af kalíum þá hefur lárperan um 60% meira magn af því en hann!