Forréttur

Humar og svínasíða
frá Gunnari Karli Gíslasyni á Vox

Humarinn

Humarinn er einfaldlega tekinn úr skelinni og steiktur á pönnu upp úr miklu smjöri og einni grein af rósmarin. Hann er svo kryddaður með smá salti.

Svínasíðan

Kaupið léttreykta svínasíðu og sjóðið í góðu kjúklingasoði við 95 gráður í 5 tíma. Kælið, skerið í hæfilega kubba og steikið jafnt á öllum hliðum uns stökkt og fallega gyllt. Kryddið með ögn af salti og pipar.

Sósan

Steikið grænmetið í potti, bætið skeljunum og nautasoði út í og sjóðið við mjög vægan hita í 30 mín. Sigtið og sjóðið niður. Sósan er bætt með smjöri, salti og sítrónusafa.

Grænmetið

Skerið annars vegar epli og hins vegar sellerírót í jafna og fallega litla bita. Smakkið til með ögn af söxuðum graslauk, góðri olíu, salti og balsamisku eplaediki frá Claus Mayer. Ef þú ert í stuði er mjög gott að nýta afskurðinn af grænmetinu til að búa til góð mauk og bera fram með humrinum.

Prjónninn

Er fallega samansettur af íslensku hrauni og ryðfríu stáli. Hann fæst hjá Óla Stef á Laugaveginum.