Teriyaki-fiskur
fyrir fjóra

4 100 g fiskflök
1 msk. canola-olía eða hrísgrjónaklíðsolía

Kryddlögur
2 msk. sakí
4 tsk. saltskert sojasósa
Teriyaki-sósa
¼ bolli mirin
2 msk. saltskert sojasósa
1 tsk. hrásykur

Blandaðu saman sakí og sojasósu á grunnum diski. Leggðu fiskbitana á diskinn (roðið upp ef fiskurinn er með roði) og láttu liggja í um 10 mín. Lagaðu teriyaki-sósuna með því að blanda saman mirin, sojasósu og sykri í lítilli skál. Blandaðu vel þar til sykurinn er uppleystur. Hitaðu olíuna á stórri pönnu á miðlungshita. Þerraðu fiskbitana með eldhúspappír til að þurrka burt allan umfram kryddlög. Settu fiskinn á pönnuna með roðið niður og steiktu í 5 mín. Snúðu bitunum við og steiktu í eina mín. til viðbótar. Settu fiskinn á stóran disk og fjarlægðu roðið. Þurrkaðu alla olíu af pönnunni með eldhúspappír og stilltu aftur á miðlungshita. Settu teriyaki-sósuna á pönnuna og láttu suðuna koma upp. Lækkaðu hitann og láttu malla í mínútu. Bættu fiskinum saman við. Hallaðu pönnunni lítillega til að ná umfram sósunni í teskeið og helltu yfir fiskinn. Eldað í eina mín. eða þar til fiskurinn er gegnsteiktur. Settu fiskbitana á diska og helltu heitri teriyaki-sósunni yfir. Mirin fæst meðal annars í Maður lifandi og Asian á Suðurlandsbraut.