Ýsa í Tex-Mex-sósu

6-700 g ýsuflök, roðflett og beinhreinsuð
nýmalaður pipar
salt
1 msk olía
1 krukka Mexican Veggies frá Casa Fiesta
1 dós saxaðir tómatar
1/2 tsk oregano

Ofninn hitaður í 200 gráður. Ýsan skorin í bita og þeir kryddaðir með pipar
og salti. Eldfast fat penslað með olíunni og fiskbitunum raðað í það.
Grænmetissósunni og tómötunum blandað saman og hellt yfir og oregano stráð
þar yfir. Sett í ofninn og steikt í 20-25 mínútur.

Íslendingar eru svo undarlega hrifnir af að blanda saman fiski og osti að
sjálfsagt vilja einhverjir strá osti yfir allt saman. Allt í lagi mín vegna
en ég braut í staðinn egg yfir þegar um 8 mínútur voru eftir af
eldunartímanum og lét þau bakast með. Þetta var svo borið fram með soðnum
hrísgrjónum.