Tex-Mex Marineraður fiskur

FORRÉTTUR EÐA STAKUR RÉTTUR

1 kg lax eða lúða (roðlaus og beinlaus)

1 bolli limesafi

Skerið fisk í litla bita, hellið limesafa yfir og látið liggja í 30 mínútur

KRYDDBLANDA

4 msk. jalepeno (niðursoðinn, smátt saxaður)

½ bolli fylltar ólívur (smátt skornar)

1 stór laukur (smátt saxaður)

2 stk. hvítlauksrif (smátt söxuð)

1 msk. ferskt kóríander (smátt saxað)

1 msk oregano (þurrkað)

½ bolli tómatsósa

1 tsk. salt

1 msk. worchestersósa

Sigtið fisk úr limesafa. Setjið á fat. Blandið öllu hráefni í kryddblöndu saman og blandið varlega saman við fisk. Setjið lok eða plastfilmu yfir og látið marinerast í 2 sólarhringa. Blandið saman við fisk ½ haus af smátt söxuðum iceberg, 3 stk. af ferskum tómötum, skornum í báta, ásamt 3 msk. af ferskri steinselju, áður en hann er borinn fram. Framreitt með sýrðum rjóma og brauði.