Stórlúða með ananas-mangó salsa

800 g stórlúða
2 msk. smjör
1 msk. ólífuolía
gróft sjávarsalt
hvítur pipar úr kvörn

Roðflettið og snyrtið lúðuna. Skerið í jafna bita og steikið við miðlungshita upp úr smjöri og ólífuolíu í um 2 mín. á hvorri hlið. Steikingartíminn fer eftir þykkt.


Ananas-mangó salsa

1/2 stk. ferskur ananas
1 stk. þroskaður mangó ávöxtur
2 sm engiferrót
1–2 stk. hvítlauksgeirar
1/3–1/2 stk. rautt chilialdin
lítið búnt kóríander
1 stk. lime, safinn
3 msk. kornolía
gróft sjávarsalt
pipar úr kvörn

Fjarlægið hýði, kjarna og stein úr ananas og mangói. Skerið ávextina í teninga. Saxið saman engiferrót, hvítlauk, chili og kóríanderlauf. Blandið saman við ávaxtateningana og kreistið safa úr einu lime yfir. Setjið kornolíu yfir og saltið og piprið eftir smekk. Látið standa í lokuðu íláti í kæliskáp í minnst 2 klst. áður en rétturinn er borinn fram.

Berið fram með soðnum „long grain Louisiana“ hrísgrjónum sem soðnum svörtum baunum hefur verið blandað saman við. Saltið og piprið eftir smekk. Gott að bera stökkt salat fram með réttinum.