Steiktur og kryddaður þorskur á rauðlaukssultu a‘la Sigga J.

4 fersk þorskhnakkastykki

2 msk blandaðar kryddjurtir, saxaðar (ég nota steinselju og kóríander)

2 tsk ferskur parmessan

2 msk brauðraspur

1 msk ólífuolía

Veltið þorskstykkjunum upp úr hveiti og steikið á mjög heitir ólífuolíu á báðum hliðum. Látið í eldfast mót. Blandið saman ferskum kryddjurtum, brauðraspi, parmesanosti og ólífuolíu. Látið jöfnum hlutum ofan á hvert þorskstykki, Saltið og piprið.  Bakið undir grilli þar til vel brúnað og þorskurinn er mátulega steiktur.

Ekki spara olíuna þegar þið eruð að steikja, því annars verða stykkin ekki eins stökk, og að sama skapi er auðveldara að eiga við þau á pönnunni, þ.e. haldast heil og falleg þegar þeim er snúið.

Varðandi kryddmaukið sem sett er ofan á þá getur maður bara notað það sem manni finnst gott,  og alveg nóg að nota eina tegund eins og t.d. steinselju. Ég er svo svag fyrir parmessan að þegar ég bjó þetta mauk til þá notaði ég heldur mikið parmessan, reif líka úr ostaskorpunni, sem gefur kannski einum of sterkt bragð, ég notaði töfrasprotann minn til að mauka þetta, hægt að setja í blender kannski, þetta er dálítið magn.

Ég bjó til einhverskonar sítrónusmjör með þessu, bara svona smá rönd fyrir hvern og einn.

Fiskisoð, laukur, persila, piparkorn. Soðið saman og niður um helming og sigtið. Látið aftur í pott, og bætið sítrónusama og smjöri út í kannski smá sýrðum rjóma....

Ég man ekki alveg hvernig þetta var en svona cirkabát.

Berið fram með rótarmauki og rauðlauksmarmelaði.

Rótamauk

150 g afhýdd sellerírót

50 g steinseljurót ( má sleppa og nota  200 g af sellerírót)

1 ½ dl mjólk

1 ½ dl rjómi

4 svört piparkorn

Salt

20 smjör  (má sleppa)

Saxið afhýtt rótargrænmetið smátt og setjið yfir til suðu í mjólkinni og rjómanum. Látið sjóða  við vægan hita, ásamt piparkornunum, þar til grænmetið er mauksoðið (u.þ.b. 30 mín)

Fjarlægið piparkornin, setjið grænmetið í blandara og maukið þar til það er slétt og kekkjalaust, kryddið með salti og pipar og bætið smjörinu út í. Ef maukið er of þunnt þarf að sjóða það niður uns æskilegri þykkt er náð, en ef maukið er of þykkt hefur vökvinn soðið of hratt og þarf þá að bæta vökva í.

-   Ég myndi kannski bara taka ½ dl. Af mjólkinni frá og bæta frekar út í undir lokin, maukið var helst til þunnt hjá mér.

Rauðlauksmarmelaði (Lauksulta)

2-4 Rauðlaukar, skornir í bita

1 msk smjör

2 msk rauðvínsedik

2 msk sykur

Salt

Bræðið smjörið við miðlungshita og léttsteikið rauðlauksbátana þar í. Hellið yfir ediki og sykri. Látið á vægan hita og sjóðið saman í þykka sultu. Saltið.

Passa bara að þetta brenni ekki, ok AMK ekki mikið og haldið sultunni rakri meðan hún er að krauma, og laukurinn á að verða alveg linur – við bætum nánast alltaf rauðvíni út í – þá þarf auðvitað að sjóða sultuna aðeins lengur niður.