Sjávarréttagratín með rækjum og hörpuskel (frá veitingastaðnum LaugaÁsi)

FYRIR FJÓRA

600 g ýsuflök í raspi

120 g rækjur

120 g hörpuskel

olía til steikingar

100 g rifinn ostur

AÐFERÐ

Fiskur léttbrúnaður á pönnu. Rækjur og hörpuskel léttristaðar í hvítlauksolíu og settar ofan á fisk. Fiskur settur í eldfast mót og rækjur og hörpuskel stráð yfir.

Sveppasósa

50 g af skornum sveppum

4 dl af rjóma

4 matskeiðar Sherry

1 tsk. kjötkraftur

Maisena til þykkingar

Bearnaise-sósa

100 g brætt smjör

2 eggjarauður

½ dl vatn

¼ dl hvítvínsedik

1 tsk. kjötkraft

1 tsk. ferskt estragon

Aðferð

Öllu nema smjöri blandað saman og hrært yfir vatnsbaði, þar til blanda verður létt og þykk. Þá er smjör sett varlega út í. Þegar sósur eru tilbúnar þá er sveppasósu hellt yfir fisk og að síðustu bernaisesósa og rifinn ostur.
Gott er að bera fram með soðnum kartöflum eða villihrísgrjónum.