Sítrus-engifermarineruð stórlúða með mozzarellaosti, grillaðri fennikku og kókoskúskús
fyrir fjóra

800 g stórlúða
2 límónur (lime)
1 sítróna
1 appelsína
1 msk engifer
1 sítrónugras
þurrkuð límónulauf
2 kúlur mozzarellaostur
salt og pipar

Snyrtið stórlúðuna og skerið hana í steikur. Skrælið límónuna, sítrónuna og appelsínuna, skerið aldinkjötið í bita og setjið í skál. Raspið engiferið og sítrónugrasið út í ásamt límónulaufunum.
Marinerið fiskinn í leginum í 20 mínútur. Kryddið með salti og pipar og pakkið inn í álpappír ásamt niðurrifnum mozzarellaostinum. Grillið í um 8 mínútur.

4 fennikkur
4 msk ólífuolía
salt og pipar

Skerið fennikkuna í báta, penslið með ólífuolíunni og kryddið með salti og pipar. Grillið í um 4 mínútur á hvorri hlið.

Kúskús eldað samkvæmt leiðbeiningum á pakka nema að í stað vatns notið kókosmjólk.