Rauðspretta í japönsku raspi

800 g rauðsprettuflök
2 stk hvítlauksgeirar
2 dl ólífuolía
1 tsk cumin
1 msk madras karrí
salt og pipar
japanskt brauðrasp (pankó)
2-3 msk olía

Afhýðið hvítlauk og pressið út í ólífuolíuna. Leggið rauðsprettuna í olíuna og kryddið með cumini, karrí, salt og pipar.
Sláið flökunum í raspið og steikið síðan í olíu á pönnu. Gott er að bera rauðsprettuna fram með sítrónusmjöri.

Sítrónusmjör
100 g smjör
1 tsk sítróna, safinn
1 tsk sítrónubörkur
1 msk ferskt garðablóðberg (timjan)

Rífið sítrónubörk fínt á þar til gerðu rifjárni og kreistið safann út sítrónunni. Bræðið smjörið í potti og bætið svo sítrónusafa, sítrónuberki og garðablóðbergi út í.