Pönnusteiktur hlýri með bláberjum

1 kíló hlýri
1 blaðlaukur
1 askja bláber
100 g rækjur
hveiti
salt
pipar
paprikukrydd

Fiskurinn er skorinn í hæfileg stykki, velt upp úr hveiti sem salti, pipar og paprikudufti er blandað í. Snöggsteiktur á pönnu. Tekinn af pönnunni og látinn dorma smá stund inni í ofni á meðan blaðlaukurinn er steiktur, síðan er bláberjunum bætt á pönnuna og síðast rækjunum. Þetta er aðeins ristað og kryddað með salti og pipar og sett yfir fiskinn.