Lúða á hrísgrjónabeði með tómatsalsa (fyrir 6)

1 kg lúða
½ dl heilhveiti
1 msk matarolía
½ tsk salt

Pipar

Skerið lúðuna í hæfilega bita. Kryddið heilhveitið og veltið upp úr hveitiblöndunni. Hitið olíu á pönnu og gegnsteikið lúðubitana.

Hrísgrjón:

2 ½ dl hrísgrjón eða hýðishrísgrjón
1 msk matarolía
2 hvítlauksrif, söxuð
250 g kúrbítur, gróft rifinn
1 búnt steinselja, söxuð
½ sítróna, safinn

Sjóðið hrísgrjónin samkvæmt leiðbeiningum á pakka. Hitið olíuna og mýkið hvítlauk og kúrbít í henni og blandið saman við hrísgrjónin. Að lokum er sítrónusafa og steinselju bætt út í.

Tómatsalsa:
5 stk tómatar, stórir eða ½ dós niðursoðnir (um 400 g)
1 laukur, lítill
1 chilipipar
grænn pipar (ef vill)

(ath. Best er að útbúa sósuna á undan fiskinum)

Fræhreinsið chilipiparinn og fínsaxið ásamt lauk og tómötum. Hitið í potti og piprið (ef vill). Berið fram heitt eða kalt. Hægt er að kaupa tilbúna salsasósu.

Lúðan er borin fram með hrísgrjónum, tómatsalsa og sítrónubátum.