Innbakaður lax marineraður í soja-wasabi

tvö 250 gramma laxastykki roðhreinsuð og beinhreinsuð tvær rúllur af smjördeigi

4 meðalstórir portobellosveppir

saxaðir

3 skalottlaukar saxaðir

truffluolía

50 grömm smjör

Maldon-salt

nýmalaður svartur pipar

dreitill af púrtvíni

1 egg léttþeytt

MARINERING:

10 g wasabi-mauk

30 g dijon-sinnep

30 ml sojaolía

50 ml ólífuolía

Laxinn er lagður í soja-wasabisósuna í um það bil 3 klukkutíma. Sveppir og laukur eru léttsteiktir á pönnu með smjöri, púrtvíni hellt yfir og leyft að sjóða niður, kryddað með smá salti og pipar. Smjördeigið er penslað með egginu, sveppirnir og laukurinn lagðir þar ofan á og síðan laxinn. Truffluolíu er nuddað á laxinn ásamt salti og pipar. Deigið er lokað yfir fiskinn og stungin eru nokkur loftgöt. Laxinn er bakaður fyrst við 160 gráður í um það bil 15 mínútur og svo við 190 gráður í um það bil átta mínútur. Með þessu ber Ari fram tómat - vinaigrette, hrísgrjón eða ofnbakaðar kartöflur með grófu salti og pipar og ferskt salat með eplum, rauðlauk og kirsuberjatómötum.