Himneskur hátíðarfiskur (fyrir 4)

700 g fiskur t.d. steinbítur, skötuselur eða ýsa, roð og beinlaus
5 msk hveiti eða heilhveiti
½ tsk salt
pipar
2 tsk karrí
2 tsk hvítlauksduft
3 msk matarolíu
1 blaðlaukur, saxaður
3 gulrætur, rifnar
1 dl matreiðslurjómi
4 dl léttmjólk
2 tsk sojasósa
½ grænmetisteningur

Skerið fiskinn í frekar stóra bita. Kryddið með pipar, salt og 1 tsk af karríi og 1 tsk af hvítlauksdufti. Veltið fisknum upp úr hveitinu og snöggsteikið á pönnu eða í potti í 2 msk af olíu. Setjið á disk og haldið heitum.

Bætið 1 msk af olíu á pönnuna ásamt afgangi af karríi og hvítlauksdufti. Laukur og gulrætur sett út í og látið krauma. Hellið rjóma, mjólk og sojasósu út á pönnuna og myljið grænmetisteninginn saman við. Sjóði við vægan hita í 10 mínútur.

Bætið fiskinum út í sósuna og hitað við vægan hita þar til hann er hvítu í geng. Ef vill má þykkja sósuna með ljósum sósujafnara.

Berið fram á pönnu ásamt soðnum hrísgrjónum og grænmeti.