Heitasti silungurinn í bænum – grillaður

Upplagt er að nýta í réttinn þær
ostategundir sem eru til í ísskápnum.
Hann er hægt að að hafa tilbúinn
tímanlega og geyma í kæli.
Hráefni:
700 g silungur, flök
8 tómatatortillakökur
2 dl rjómi
½ piparostur, rifinn
½ ds mascarpone-ostur
250 g 17% ostur, rifinn
8 meðalstórar kartöflur
1/2 kúrbítur
16 meðalstórir sveppir
salt

Aðferð:
Silungsflökin beinhreinsuð, snyrt og skorin í hæfilegar lengjur sem passa í kökurnar. Osturinn bræddur í potti við vægan hita í rjómanum.
Kartöflurnar soðnar, flysjaðar og muldar út í ostajafninginn. Saltað eftir þörfum. Kúrbítur og sveppir skornir í hæfilega bita. Tortillakökurnar
hitaðar létt á pönnu eða í ofni. Ostakartöflujafningi smurt á kökurnar. Einni silungalengju ásamt nokkrum bitum af kúrbít og sveppum raðað með.
Piprað og kökunum rúllað upp. Grillið við góðan hita, snúið einu sinni. Passið að grilla ekki of lengi og munið að silungurinn heldur áfram að eldast eftir að hann er tekinn af grillinu. Borið fram með fersku salati með fetaosti og ristuðum furuhnetum. Hellið svolitlu af fetaostsolíunni yfir salatið.