Grilluð makríls- og humarspjót í heimalagaðri teryaki-sósu

Hráefni
8 makrílsflök
16 humrar
box af kirsuberjatómötum
hálfur bolli japönsk sojasósa
hálfur bolli sake (japanskt hrísgrjónavín)
hálfur bolli mirin
ein msk. sykur
Aðferð
Makrílsflökin eru skorin eftir endilöngu og roðinu haldið á. Þá er pinnanum stungið í endann á flakinu. Því næst er skelflettur
humar settur á pinnann og makrílsflakið látið mynda S á pinnanum. Því næst er öðrum humar stungið á pinnann þannig að á einum
pinna er eitt makrílsflak og tveir humarhalar. Svo má stinga kirsuberjatómötum á milli að ósk.
Heimalöguð teryaki-sósa
Til að útbúa teryaki-sósuna er sojasósunni, sake, mirin og sykrinum blandað saman. Gott er að hita sósuna örlítið til að sykurinn
bráðni og kæla hana svo aftur. Spjótin eru svo pensluð vel með teryakisósunni og grilluð í tvær
mínútur á hvorri hlið. Svo má hella meiri teryaki-sósu yfir spjótin. Gott er að bera fram salat og
góð hrísgrjón með réttinum. Þyrnir segist kaupa makrílinn á Fiskmarkaðnum á Dalvík