Grillaður lax með appelsínum

1-2 appelsínur eða 8-10 kumquats
100 g smjör
2 msk saxað, ferskt dill
2 pressaðir hvítlauksgeirar
salt
heill lax, 1,5 - 2 kg

Hreinsið og hreistrið laxinn. Stráið á hann salti að utan og innan. Skerið appelsínurnar í sneiðar og síðan í tvennt. Skerið kumquats í sneiðar.
Hrærið saman smjöri, dilli og hvítlauk. Smyrjið þykku lagi af smjöri á laxinn beggja vegna. Setjið litla smjörbita og appelsínusneiðar á milli þunnildanna. Pakkið laxinum vel inn í sterka álþynnu og setjið pakkann á grillgrindina. Snúið honum einu sinni meðan grilltíminn varir. Laxinn er til þegar hann losnar auðveldlega frá beinunum. Gott er að miða við 2 mín. á hvorri hlið fyrir hver 500 g. Berið laxinn fram með smjöri, soðnum kartöflum og fersku salati.