Gómsætur fiskur í kókos-karrýi að hætti Guðbjargar

800 g Ýsa/Þorskur
salt
safi úr 1 límónu, magn fer eftir smekk
límónubörkur á hnífsoddi
2 hvítlauksrif
200 g laukur
1-2 rauður chili pipar
2 msk olía
30 g engifer, ferskt
2-3 msk karrý
350 gr kókosmjólk úr dós

Skerið fiskinn í um þriggja sm þykkar sneiðar. Blandið salti, safa úr límónu og límónuberkinum saman.
Veltið fiskistykkjunum upp úr blöndunni. Skerið lauk og chili pipar, merjið hvítlauk og engifer og látið malla á pönnu. Bætið karrýi, pipar og kókosmjólk út á pönnuna og látið malla í 10 mínútur. Saltið eftir smekk. Bætið síðan fisknum út í og látið hann malla þar til hann er full eldaður. Gott er að bera fram með hrísgrjónum, brauði og salati.