Fiskur í súrsætri sósu (fyrir 4)

700 g fiskflök, roð- og beinlaus
1 msk matarolía
3 msk hveiti eða heilhveiti
½ salt
pipar

Skerið fiskinn í hæfilega bita og veltið upp úr krydduðu hveitinu. Hitið olíu á pönnu, steikið fiskinn í 2-3 mínútur á hvorri hlið og haldið síðan heitum.

Sósan:
½ msk matarolía
250 g sveppir, í bitum
150 g blaðlaukur, þunnt sneiddur
½ dós, ananas í bitum
2 ½ dl vatn
½ grænmetisteningur
2 msk tómatmauk
1 msk sojasósa
1 msk edik
1 msk sykur
1 msk maísenamjöl og 2 msk vatn.

Steikið sveppina í olíu, bætið blaðlauk og ananas útí og látið krauma. Bætið öllu öðru nema maísenamjölinu út í og sjóðið í nokkrar mínútur. Hrærið maísenamjölið út í vatninu og hrærið saman við sósuna. Sjóðið í 1-3 mínútur. Einnig er hægt að kaupa tilbúna súrsæta sósu og hita upp.

Berið fram með soðnum hýðishrísgrjónum/hrísgrjónum eða byggi og grænmetissalati.