Skyr pannacotta með kaffigeli, haframjölskurli, kaffifroðu og ís

Skyr pannacotta
200 ml mjólk
2 stk matarlím
250 ml rjómi
40 g sykur
1/2 vanillustöng
150 g skyr

Matarlímið er bleytt upp í mjólkinni. Rjómi soðinn með vanillunni og sykrinum. Rjómanum, mjólkinni og skyrinu blandað saman og smakkað til með ferskum sítrónusafa. Sett í form og kælt.

Kaffigel
150 ml kaffi
50 ml heslihnetusíróp
1 1/2 matarlímsblað (3g)

Matarlímið er lagt í kalt vant og svo blandað saman við kaffið og sírópið. Þegar kaffilögurinn er farinn að kólna þá er honum hellt varlega yfir skycottuna og sett í kæli til að stífna.

Haframjölskurl
80 g haframjöl
50 g púðursykur
50 g smjör
sítrónubörkur af 1 sítrónu
5 g kanill
öllu blandað saman í hrærivél og mulið niður á bökunarplötu og bakað við 180 gráðu hita í 20 mínútur eða þar til blandan er orðin gullin á lit.


Kaffifroða
1 bolla expressó
70 ml heslihnetusíróp
100 g vanilluskyr
200 ml rjómi
30 g sykur
Öllu blandað saman og sett á gassprautu og 1 hylki sett í.
Skyrís með bláberjum (fæst í Nóatúni)
Svo þegar komið er að kvöldinu og bera á herlegheitin fram þá er skyrkottan tilbúin með kaffigelinu frá því fyrr um daginn (eða kvöldinu áður). kaffifroðunni er sprautað ofan á gelið á u.þ.b. 5 stöðum og restin sett í skál.
Haframjölskurlið er sett ofan á gelið á u.þ.b. 3 stöðum á fatinu og skyrísinn settur ofan á haframjölskkurlið. Meiri ís settur í skál sér á borðið. Það er nauðsynlegt að hafa gott kaffi með.