Súkkulaði-parfite með blönduðum ávöxtum

Skemmtilegt ís-parfite er auðvelt að laga og getur gefið nýja vídd í eftirréttina með blönduðum ávöxtum

Hráefni:

150 g eggjarauður

20 g hunang

200 g Ivori, hvítt súkkulaði

450 g rjómi

250 g síróp (110 g vatn og 140 g sykur) leyst upp

Aðferð:

Þeytið eggin yfir vatnsbaði, setjið svo í hrærivélarskál og þeytið þar til eggin eru köld. Bætið þá bræddu hvítu súkkulaði og þeyttum rjóma (passið að súkkulaði sé um 40°C eins og góður heitur pottur svo kaldur rjóminn láti ekki súkkulaðið stífna of snemma). Setjið í form, flott er að setja nokkra liti af lituðum sorbet eða jarðarberjaís með, svo marmara áferð fáist á ísinn Framreiðið með jarðarberjasafa, jarðarberjum og melónum.

Jarðarberjasafi

Hráefni:

(Jarðarber í dós)

 1 askja fersk jarðarber

100 g sykur

Aðferð:

Sigtið berin úr dósinni eða látið fersk jarðarber í örbylgjuofn í tvær mínútur með ögn af sykri. Þá kemur tær safi sem er lostæti, framreiðið með ísnum. Vatnsmelónur og fersk jarðarber til skrauts.