Súkkulaði Créme Brulée

Himneskur eftirréttur sem bókstaflega bráðnar í munni

Hráefni:

2½ dl rjómi
200 g suðusúkkulaði
1 dl nýmjólk
4 msk flórsykur
50 g sykur
5 stk eggjarauður

Aðferð :

Setjið í pott rjóma, mjólk og sykur. Látið suðuna koma upp og kælið lítillega. Hellið því næst vökvanum rólega yfir eggjarauðurnar og súkkulaðið og hrærið varlega (ekki þeyta). Skiptið blöndunni í fjórar litlar skálar eða bolla. Bakið í vatnsbaði við 110 °C í 20 - 30 mínútur eða þar til kremið hefur stífnað. Takið út og kælið. Setjið þunnt lag af demerara sykri ofan á hvert bruleé og brennið annað hvort með gasbrennara eða undir grilli.

Framreiðsla :

Borið fram eitt og sér, með ferskum berjum eða jafnvel ís. Allt eftir smekk.
Fyrir 4