Perur með haframylsnu og hunangsskyri

fyrir 4

3 perur (eða epli eða rabarbari)

100 g sykur

250 g vatn

safi úr 1 sítrónu

Skrælið og kjarnhreinsið perurnar og skerið í litla bita. Sjóðið saman vatn, sykur og sítrónusafa. Bætið perum við suðu og látið krauma í eina mínútu. Látið kólna.

Haframylsna 

100 g hveiti

100 g púðursykur

120 g hafragrjón

100 g stofuheitt smjör

70 g möndluflögur

Blandið saman hveiti, púðursykri og höfrum. Bætið smjöri við og hnoðið með fingrunum. Möndlum bætt út í. Bakað í ofni við 160° C í um það bil 12-15 mínútur.

Hunangsskyr 

100 ml þeyttur rjómi

120 g skyr

1-2 matskeiðar hunang

Hrærið hunangi og skyri vel saman og blandið rólega við rjómann. Raðið volgum perum og haframylsnu á disk ásamt ísköldu hunangsskyrinu og berið strax fram.