Heitt pestóbrauð með salati

6 pítubrauð (1 pakki)
2 msk pestósósa
3 msk ólífuolía
1 ferskur mozzarellaostur
200 g kirsiberjatómatar
nokkur salatblöð
1 msk basilíkuolía (Lesieur)

Grillið í ofninum hitað. Pestósósan hrærð með olíunni og brauðin pensluð vel á annarri (efri) hliðinni með blöndunni. Raðað á grind og grilluð ofarlega í ofni þar til þau eru farin að taka lit og eru heit í gegn. Á meðan er osturinn skorinn í þunnar sneiðar (ostaskerinn) og kirsiberjatómatarnir í helminga. Salatblöðunum dreift á fat, ostasneiðum raðað í hring ofan á þau og 2 tómathelmingum á hverja ostasneið; afganginum dreift í miðjuna. Olíunni ýrt jafnt yfir og e.t.v. Skreytt með basilíkublöðum eða öðrum kryddjurtum. Borið fram með heitu brauðinu.