Heitar brieostasnittur

Sætt hunangið setur punktinn yfir i-ið þegar ljúffengur brie-osturinn er annars vegar og hnetan smellpassar með.

1/2 snittubrauð
1 dalabrie
pekanhnetur
fljótandi hunang

Hitið ofninn í 220°C. Skerið snittubrauðið í sneiðar og raðið þeim í ofnskúffu. Ristið þær í ofninum í nokkrar mínútur og fylgist vel með svo að þær brenni ekki. Takið brauðsneiðarnar úr ofninum - þær mega gjarnan kólna. Leggið ostsneið ofan á hverja brauðsneið og setjið pekanhnetu ofan á. Raðið brauðsneiðunum í ofnskúffu eða eldfast mót, dreypið örlitlu hunangi yfir og bakið í nokkrar mínútur eða þar til osturinn er farinn að bráðna.