50 g smjör
150 ml mjólk
100 ml súrmjólk (eða hrein jógúrt eða skyr)
1 msk þurrger
250 g rúgmjöl
1/4 tsk salt
50 g nýrifinn parmesanostur
um 200 g hveiti

Þetta er tiltölulega fyrirhafnarlítið brauð nema hvað það gæti verið dálítið
mál að fletja það nógu þunnt út. Ef ég ætla ekki að hafa það með klassísku
sænsku hrökkbrauðslagi (stórar kringlóttar kökur með gati í miðju) flet ég
það nú oftast nær út í pastavélinni minni og sker það í lengjur eða
ferhyrninga. En kökukeflið dugir alveg, það þarf bara að beita því af
hæfilegum styrk og ákveðni.

Það má líka rífa meiri parmesanost og strá honum á brauðið rétt áður en það
ferí Smjörið og mjólkin hitað að suðu í potti. Tekið af hitanum, hellt í skál, og
súrmjólkinni hrært saman við. Þegar blandan er fingurvolg er gerinu hrært
saman við og látið standa þar til gerið freyðir. Rúgmjölinu hrært saman við
og látið lyfta sér við stofuhita í a.m.k. 1 klst, eða í hálfan sólarhring í
kæli. Ef deigið hefur verið kælt er það svo tekið út og látið standa þar til
það er við stofuhita. Ostinum hrært saman við og síðan er hveitinu bætt út
í, smátt og smátt, þar til deigið er hnoðunarhæft en þó stíft án þess að
vera þurrt. Hnoðað vel, þar til það er alveg slétt, og síðan skipt í búta
sem eru flattir mjög þunnt út og skornir í hringi, ferhyrninga, lengjur eða
önnur form. Kökurnar pikkaðar vel með gaffli og raðað á pappírsklæddar
bökunarplötur. Ofninn hitaður í 250 gráður og hrökkbrauðið bakað í um 4-5
mínútur, eða þar til það er stökkt og rétt byrjað að taka lit. Ef kökurnar
eru ekki mjög þunnar er betra að hafa hitann lægri og baka þær í 8-10
mínútur.