13 dl hveiti
3 dl hveitiklíð
1 msk sykur
1 tsk salt
1 bréf þurrger (5 tsk)
6 dl volg undanrenna
2 msk matarolía
mjólk til penslunar

Blandið saman þurrefnum og þurrgeri (takið frá 1 dl af hveiti til að hnoða upp í deigið á eftir). Hellið olíu og undanrennu út í þurrefnin og hrærið deigið saman með sleif (deigið má vera blautt). Látið deigið hefast á hlýjum stað í 30 mín. Hnoðið afganginum af hveitinu saman við ef þarf, mótið tvær lengjur úr deiginu og skiptið hvorri lengju í tíu jafnstóra bita, mótið bollur úr bitunum og raðið á bökunarplötu. Látið bollurnar hefast í 15-20 mín. Penslið bollurnar með mjólk. Bakið í miðjum ofni við 200°C í 15 mín.