Magnað maisbrauð

Maísbrauð:

115 g smjör
2/3 bolli hvítur sykur
2 egg
1 bolli súrmjólk
½ tsk matarsódi
1 bolli maísmjöl
1 bolli hveiti
½ tsk salt

Hitið ofninn í 175°C. Smyrjið ferningslaga bökunarform, ca 20x20 cm.
Bræðið smjörið í stórri steikarpönnu. Takið af hitanum og hrærið sykrinum saman við. Bætið eggjunum útí  og hrærið þar til allt hefur blandast vel. Bætið matarsódanum út í súrmjólkina, og hrærið þessu svo saman við blönduna á pönnunni. Hrærið maísmjöli, hveiti og salti saman við þar til allt hefur blandast vel og lítið er um kekki. Hellið deiginu yfir bökunarformið. Bakið í 30 – 40 mínútur, þar til tannstöngull sem stungið er í miðjuna kemur hreinn út.