Halldóru ostabrauð

Deig:
2 tsk ger
3 dl volg mjólk
7 dl hveiti
1 tsk salt
1 tsk sykur
3 msk olía

Leysið gerið upp í volgri mjólk og hrærið síðan hveiti, salti, sykri og olíu við. Hrærið vel saman og látið deigið lyfta sér í a.m.k.  30 mínútur. Gott er að gera deigið daginn fyrir bakstur og láta það lyfta sér rólega í ísskápnum.

Fylling:
dijon-sinnep
200 g skinka í sneiðum
1 askja beikonsmurostur
150 g pepperóní
k-ostur (ostlíki), rifinn

Ofaná:
Tómatsneiðar
Mozzarella-ostur, rifinn
Maldon salt
pipar

Hitið ofninn í 180-190 °C. Fletjið deigið út og skiptið því í lengjur. Smyrjið þunnu lagi af dijon-sinnepi á miðjuna og setjið skinku sneiðar, beikonsmurost, pepperóní og rifinn ost ofan á. Brjótið deigið yfir fyllinguna og klípið brúnirnar og endana vel saman svo að brauðið opnist ekki meðan á bakstrinum stendur. Dreifið tómatsneiðunum ofan á, stráið mozzarella-osti, maldon salti og nýmuldum pipar yfir og bakið í u.þ.b. 30 mín.