Döðlubrauð með hnetum

    200 g döðlur, steinlausar
    200 ml vatn
    75 g smjör
    75 g púðursykur
    75 g strásykur
    1 stórt egg
    2 msk brandí eða romm (má sleppa)
    200 g hveiti
    2 tsk lyftiduft
    1/2 tsk salt
    1/2 tsk kanill
    75 g grófsaxaðar pekanhnetur eða valhnetur (má sleppa)

    Ofninn hitaður í 180 gráður. Döðlurnar brytjaðar og settar í skál. Vatnið
    hitað að suðu, hellt yfir og látið bíða í svona 10 mínútur. Smjör,
    púðursykur og sykur hrært vel saman. Egginu þeytt saman við og síðan
    brandíinu, ef það er notað. Hveiti, lyftidufti, salti og kanil blandað saman
    og hrært saman við deigið í þrennu lagi, til skiptis við döðlurnar og vatnið
    af þeim. Best er að hræra sem minnst, bara eins og þarf til að allt blandist
    vel saman. Hnetunum hrært saman við. Meðalstórt jólakökuform smurt,
    bökunarpappírsörk lögð í botninn og deiginu hellt í formið. Sett í ofninn og
    bakað í um 45-50 mínútur, eða þar til prjónn sem stungið er í kökuna miðja
    kemur hreinn út. Ef kakan virðist ætla að dökkna of fljótt má breiða
    álpappír yfir formið. Látin kólna nokkra stund í forminu en síðan hvolft á