BRIOS-BRAUÐ

250 g hveiti

10 g ger

3 msk. mjólk (volg)

1 msk. sykur

smá salt

2 egg

175 g smjör

eggjarauður til að pensla

Sigtið hveiti í skál og gerið laut í miðjuna. Hrærið gerið úr með mjólk, sykri og salti og látið bíða í smástund en hellið síðan í lautina ásamt eggjum og linu smjöri. Hrærið vel og dragið hveiti smám saman inn í. Hnoðið saman í kúlu og látið lyfta sér í um 3 klukkustundir við um 20 gráðu hita. Hnoðið deigið þá einu sinni enn og setjið í hátt form, klæðið með pappír sem nær vel upp fyrir brúnirnar. Látið lyfta sér í 2 klukkustundir til viðbótar. Hitið ofninn í 210 gráður. Penslið með eggjarauðu og bakið í hálftíma. Lækkið hitann í 180 gráður og bakið áfram í 10 til 15 mínútur.