Risotto a la corradini

250 g risotto-hrísgrjón
(helst ítölsk)
2 l kjúklinga- eða kalkúnasoð
1 stór laukur
200 g sveppir (champignon de Paris)
1 msk. smjörlíki eða smjör (helst Fruit d’Or smjörlíki)
rifinn parmesanostur
flesk eða pancetta (í upprunalegu uppskriftinni er gert ráð fyrir lifur og hjörtum úr fiðurfé)
Saffran

Setjið smjörlíkið/ smjörið í pottjárnspott eða annan þykkan pott og mýkið gróft skorinn laukinn. Bætið hrísgrjónunum út í og hrærið vel þar til hrísgrjónin hafa blandast smjörlíkinu/smjörinu vel. Bætið heitu soðinu smátt og smátt við og hrærið stöðugt. Gott er að láta grjónin drekka alveg í sig soðið áður en bætt er við næsta skammti. Þegar öllu soðinu hefur verið bætt út í er steikt
fleskið, sem hefur verið kryddað með pipar, sett saman við, sem og sveppirnir sem skornir eru í litla báta. Þá er saffran bleytt upp í svolitlu soði og hellt út á hrísgrjónin. Að endingu er rifinn parmesanostur settur út á réttinn. Má bæði nota sem aðalrétt, og bera fram með góðu brauði og salati, eða sem meðlæti, t.d. með kjúklingi. Þá er tilvalið að útbúa risotto fyrir sumarbústaðaferðina því það bragðast ekki síður vel daginn eftir.