Sólberjasulta

1 kg sólber, 7½ dl vatn, 750 g sykur, 2 msk brandí

Sólber og vatn sett í pott og hitað rólega að suðu. Látið malla í 20-25 mínútur. Sykur og brandí sett út í, hrært þar til sykurinn er uppleystur og síðan soðið nokkuð rösklega í 15-20 mínútur, eða þar til sultan er hæfilega þykk. Tekið af hitanum og látið kólna. Sett í dauðhreinsaðar krukkur, smjörpappír vættur með brandíi lagður yfir krukkuopið og síðan lokað.

Gott er að krydda sultuna með engifer og kanil eftir smekk.