Skinku- og beikonsamloka

4 sneiðar af partískinku eða annarri soðinni skinku (verða að vera þykkar)
4 beikonsneiðar
2 kjallarabollur
2 salatblöð
þunnt skornar tómatsneiðar eða annað grænmeti eftir smekk
ostur ef vill

Grillpanna eða venjuleg panna hituð og skinkusneiðarnar og beikonsneiðarnar
steiktar við góðan hita - beikonið þar til það er stökkt, skinkan þar til
hún hefur tekið lit á báðum hliðum. Á meðan eru bollurnar skornar í sundur
og e.t.v. léttristaðar í brauðristinni eða undir grillinu í ofninum.
Salatblað sett á neðri helminginn af hvorri bollu, tvær skinkusneiðar og
tvær beikonsneiðar þar ofan á og e.t.v. grænmeti á milli, síðan e.t.v. ostur
og að lokum efri bolluhelmingurinn. Bollunni þrýst vel saman og hún síðan
borðuð strax.