Ofnsteiktir kartöflubátar með timjani og hvítlauk

1 kg bökunarkartöflur
4 msk ólífuolía
4 hvítlauksgeirar
1 tsk timjan, þurrkað
nýmalaður pipar
salt

Ofninn hitaður í 220 gráður. Kartöflurnar, sem best er að séu ekki mjög
stórar, skornar í 4 báta hver. Bátunum raðað í steikarfat eða ofnskúffu með
hýðishliðina niður. Olíunni ýrt jafnt yfir. Hvítlauksgeirarnir skornir í 2-3
bita hver og dreift á milli kartöflubátanna. Timjani, pipar og salti blandað
saman og stráð yfir. Sett í ofninn og bakað í um hálftíma, eða þar til
kartöflurnar eru vel meyrar og farnar að taka góðan lit. Ekki ætti að þurfa
að hræra í þeim á meðan þær bakast.