Egypsk svið (Nifah)

1 sviðahaus, meðalstór (2 kjammar)
75 g smjör
1/2 tsk paprikuduft
nýmalaður pipar
salt

Ofninn hitaður í 200 gráður. Smjörið brætt í potti og paprikudufti, pipar og
salti hrært saman við. Kjammarnir penslaðir vel með smjörinu, settir í
eldfast fat og steiktir í um 1 klst. Snúið öðru hverju og penslaðir með
smjörinu. Sviðin má bera fram eins og þau koma fyrir, eða taka kjötið af
beinunum, raða því á fat og strá meira paprikudufti yfir.

 

Egyptar mundu hafa með þessu einhvers konar salöt en við höfðum nú bara
kartöflustöppu að íslenskri hefð og það passaði ágætlega.