Heitt gráðostapie

200 gr hveiti

1 eggjarauða

100 gr smjör

2-3 msk kalt vatn

½ tsk salt

Gráðostafylling

4 stk laukur (ca.500 gr)

1 tsk timjan

30 gr smjör

200 gr gráðostur

salt og nýmalaður pipar

Eggjahræra

2 egg og 3 eggjarauður

3 dl rjómi

1 dl mjólk

rifinn ostur

Myljið saman smjör og hveiti og hnoðið vel. Blandið eggjarauðu og salti saman við og hnoðið. Blandið vatninu saman við litlu í einu, þar sem ekki er víst að nota þurfi það allt.Látið deigið standa í kæli í 30-60 mín. Skerið laukinn í þunnar sneiðar. Bræðið smjörið og látið laukinn krauma í því án þess að brúnast og kryddið með salti pipar og timjan. Setjið lok á pönnuna og látið laukinn krauma í u.þ.b. 30 mín, hrærið í öðru hverju. Myljið ostinn og setjið á pönnuna, hrærið í þangað til hann bráðnar. Hitið ofninn í 225°C. Fletjið deigið út og setjið í eldfast fat, látið deigið ná alveg upp á brúnir fatsins, stingið með gaffli í deigið í botninum, látið mótið í kæli í 10 mín. Bakið piskelina í 12-15 mín. Takið hana úr ofninum og kælið áður en fyllingin er sett í. Þeytið egg, eggjarauður, mjólk, rjóma og rifna ostinn, kryddið með salti og pipar. Setjið gráðostafyllinguna í skelina og hellið ¾ af eggjahrærunni yfir, bakið í 15 mín, hellið nú því sem eftir er af eggjahrærunni yfir og bakið áfram í 10 mín, fyllingin rís í ofninum en fellur aðeins þegar hún er tekin út úr honum. Berið fram með grænu salati.