Heimatilbúið rauðkál

1 góður rauðkálshaus
2-3 rauð epli
1/2 - 1 dl. rauðvínsedik
vatn (2/3 hlutar af magni rauðkáls)
3-5 msk. ribsberjagel (góðar matskeiðar)
sykur ef með þarf til smökkunar.

Rauðkálið er skolað, þurrkað og skorið eða rifið niður. Sett í pott og vatn
sem nemur 2/3 hluta kálsins. Eplin eru afhýdd, kjarnhreinsuð og skorin í
bita og sett í pottinn. Rauðvínsedikið er sett yfir og suðan látin koma upp.
Þetta er látið sjóða í 40 mín. á litlum hita. Þá er sultan látin út í og
hrært í. Síðan er að smakka og ef með þarf er hægt að setja smásykur eða þá
meiri sultu saman við, allt eftir smekk hvers og eins.