Heimagert majónes

Uppistaðan í majónesi eru eggjarauður og olía. Tvær eggjarauður eru settar í skál og salti, pipar og dálitlu sinnepi og jafnvel hvítlauk bætt út í. Bragðlítilli olíu, á borð við jarðhnetu- eða sólblómaolíu, er bætt saman við í dropatali. Hér kemur handþeytari við sögu, því blönduna þarf að þeyta stöðugt á meðan dropa af olíunni er bætt út í. Þegar blandan þykknar er teskeið af hvítvínsediki bætt út í til að þynna hana.
Það má hella olíunni aðeins hraðar út í og þeyta á meðan. Smakkið til með salti og pipar, og bætið sjóðandi vatni út i þil að gera majónesið léttara.

Hér er önnur uppskrift:

Heimagert majónes:

1 stór eggjarauða , við stofuhita
½ dijonsinnep
½ tsk salt
¾ bolli ólífuolía eða grænmetisolía
1 tsk hvítvíns- eða eplaedik
1 ½ tsk nýkreistur sítrónusafi
¼ tsk hvítur pipar

Pískið saman eggjarauðu, sinnep og salt þangað til það hefur blandast vel. Takið ¼ bolla af olíunni frá og bætið henni út í eggjablönduna dropa fyrir dropa. Hrærið stöðugt í á meðan þar til blandan fer að þykkna. Hrærið ediki og sítrónusafa saman við, og bætið þá restinni af olíunni, ½ bolla út í afar hægt og rólega. Hrærið stöðugt í á meðan. Ef svo virðist sem blandan muni skilja sig, hættið þá að bæta olíu út í og hrærið af fali þar til blandan er slétt á ný. Hrærið að lokum piparnum saman við og smakkið majónesið til með salti. Strengið plastfilmu yfir ílátið og kælið þar til að notkun kemur. Majónesið ætti þá að endast í tvo daga í ísskáp.