Hawai réttur
heitur eða kaldur

1/2 dós "refried beans" frá Casa fiesta
1/2 dós "mild" salsasósa frá Casa fiesta
4-500 g rifinn, bragðmikill ostur (Danbo, svartur Gouda)
1 ostarúlla með Mexíkóblöndu
3 msk mjólk
1 Bríe ostur með piparrönd, rifinn
1/2 jöklasalathöfuð, skorið í bita
2 tómatar, skornir í báta
ólífur ef vill

Setjið baunirnar í botninn á grunnu ofnföstu fati. Dreifið salsasósunni jafnt yfir baunirnar og þekið með þykku lagi af rifnum osti.
Ef bera skal fram réttinn heitan er þetta sett í ofninn og bakað við 200°C þar til osturinn fer að taka lit.
Þá er ofnfatið tekið út og öðru hráefni bætt ofan á. Ef rétturinn er borinn fram kaldur er haldið rakleitt áfram með uppskriftina.
Maukið saman mjólk og ostarúllu og dreifið ofan á rifna ostinn. Stráið síðan rifnum Bríe osti yfir. Dreifið jöklasalatinu því næst yfir réttinn og stráið að lokum söxuðum tómötum yfir jöklasalatið.
Ef vill má skreyta réttinn frekar með ólífum. Berið réttinn fram með tortillaflögum.