Bakaður rauðlaukur með timjan og smjöri
Ómótstæðilegir bakaðir rauðlaukar frá breska kokknum Jamie Oliver. Þessir laukar eru ljúffengir með ofnsteik, bragðmiklir og sætir
 

Hráefni:
tímían
salt
smjör
rauðlaukar


Aðferð
Reynið að finna álíka meðalstóra eða stóra rauðlauka. Fjarlægið ysta lagið af lauknum. Sneiðið botninn af rauðlaukunum, svo þeir hafi flatan sitjanda, og skerið síðan kross hálfa leið ofan í laukinn (ekki alla leið því þá fellur laukurinn í fjóra parta). Troðið dálitlu af söxuðu eða mörðu fersku timjani ofan í skurðina ásamt ögn af salti (það er mjög mikilvægt að saltið komist djúpt ofan í skurðina) og lítilli smjörklípu. Mér finnst best að baka svo laukana í eldföstu móti ofan á þunnu lagi af grófu sjávarsalti en stundum baka ég þá bara í sömu ofnskúffu og kjúklinginn eða lambið. Bakið í 200°C heitum ofni í 30-35 mín.