Bakaður brieostur

Brieostur finnst mörgum ljúffengur. Það er skemmtileg tilbreyting að hita hann í ofni og bera þá fram með brauði og grilluðum tómötum eins og í þessari uppskrift.

1 askja kirsuberjatómatar
2 msk. ólífuolía
salt og pipar
3 msk. ósaltað, mjúkt smjör
6 stórar snittubrauðssneiðar
225 g brieostur, skorinn þunnt

Hitið grillið í ofninum. Setjið tómatana á bökunarplötu, dreypið ólífuolíu yfir þá og kryddið með salti og pipar. Grillið þar til þeir springa, takið út og setjið til hliðar. Smyrjið brauðið báðum megin, setjið nokkrar ostsneiðar á hverja sneið. Grillið þar til osturinn fer að krauma og er orðinn dálítið gullinn. Setjið tómata yfir hverja sneið og berið fram.